காமமில்லாத முத்தத்தைப் பகிர்வதைப்பற்றி
நான் அலட்டிக் கொள்வதில்லை
கற்களிலிருந்து நீர்மையைத் துடைப்பது போன்றது அது.
காலம் தான் தட்டைக் கழுவி ஊற்றுவது
போல பெருத்த முத்தம்
ஒரு டயரியின் அந்தரங்கம்
அதன் கற்பு
கன்னத்தில் இறுகிய உதடுகளைப் பெயர்க்காமல்
அவளுடன் ஏழாவது காதலைப்
பகிர்ந்து கொண்டேன்
மரங்களிலிருந்து வரும் வாசனையை
குளிர்விப்பதிலிருந்து தொடங்குகிறது அதன் கிளர்ச்சி
பேரலையிலிருந்து அவிழும்
அலைகளின் நீட் சியை ஒத்தது அதன் பரிமாணம்
இரத்தம் தோய்ந்த காதலை எடுத்து
உயிர்ப்பிப்பதைப் போன்றது அதன் ரகசியம்
ஒரு முத்தம் கன்னத்தை இதயத்திலிருந்து
எடுத்து வருகிறது
பின் உதடுகளால் தைப்பதுடன் முடிகிறது
ஏழாவது முத்தமும்
மீதமான காலத்தின் பற்களற்ற வாயும்
கிரிஷாந்த்
நன்றி - கலைமுகம்
(2012)
கருத்துகள் இல்லை:
கருத்துரையிடுக